यू–१९ महिला टी–२० विश्वकपको दोस्रो अभ्यास खेलमा अमेरिकाविरुद्ध नेपाल ५ विकेटले पराजित भएको छ । अभ्यास खेलमा नेपालको यो लगातार दोस्रो हार हो । नेपालले पहिलो खेलमा वेस्ट इण्डिजविरुद्ध ९ रनको हार बेहोरेको थियो ।
दोस्रो खेलमा पहिला ब्याटिङ गर्दै नेपालले ५८ रन बनायो । ५९ रनको लक्ष्य अमेरिकाले १४ ओभरमा ५ विकेट गुमाएर पूरा गर्यो । उसका लागि इसानी वाघेलाले सर्वाधिक २४ रन बनाइन् ।
नेपालका लागि बलिङमा रिया शर्माले ४ ओभरमा १५ रन दिएर सर्वाधिक तीन विकेट लिइन् । यस्तै, कप्तान पूजा महतोले तीन ओभरमा १० रन खर्चेर एक विकेट हात पारिन् ।
त्यसअघि मलेसियाको क्वालालम्पुरमा टस हारेर ब्याटिङको मौका पाएको नेपालले निर्धारित २० ओभरमा ९ विकेट गुमाएर ५८ रन बनायो । नेपालका लागि कप्तान पूजा महतोले २२ बलमा सर्वाधिक १० रन बनाइन् ।
बाँकी ब्याटरले भने दोहोरो अंकमा समेत रन जोड्न सकेनन् । यस खेलमा नेपालका तीन ब्याटर रनआउट भए ।
आउँदो शनिबारदेखि सुरु हुने विश्वकपमा नेपाल समूह ‘डी’ मा परेको छ । नेपालले समूह चरणमा अस्ट्रेलिया, बंगलादेश र स्कटल्याण्डसँग खेल्ने तालिका छ ।
नेपाल पहिलोपटक यू–१९ महिला विश्वकप खेल्न लागेको हो ।
यो पनि पढ्नुहोस्, यू-१९ विश्वकप : नेपाललाई इतिहास रच्ने मौका, कस्ता छन् प्रतिद्वन्द्वी ? [भिडियोसहित]
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
