बार्सिलोना स्पेनिस कोपा डेल रेको क्वाटरफाइनलमा प्रवेश गरेको छ । गएराति ओलम्पिक लुइस कम्पनिज रंगशालामा सम्पन्न खेलमा रियल बेटिसलाई ५–१ ले हराउँदै बार्सिलोना क्वाटरफाइनल प्रवेश गरेको हो ।
बार्सिलोनाको जितमा गाभी, जुल्स कुन्डे, राफिन्हा, फेरान टोरेस र लामिन यामलले गोल गरे । बेटिसका लागि भिक्टर रोकले एक गोल फर्काए ।
खेलको तेस्रो मिनेटमै गाभीले गोल गर्दै बार्सिलोनालाई सुरुवाती अग्रता दिलाए । २७ औँ मिनेटमा कुन्डेले टोलीको अग्रता दोब्बर बनाए ।
राफिन्हाले ५८ औँ मिनेटमा गोल गर्दै बार्सिलोनालाई ३–० ले अघि बढाए । ६७ औँ मिनेटमा टोरेसले गोल गर्दा बार्सिलोना ४–० ले अघि बढ्यो । यामलले ७५ औँ मिनेटमा गोल गर्दै बार्सिलोनालाई ५–० को अग्रता दिलाए ।
निर्धारित समय सकिन ६ मिनेट बाँकी रहँदा भिक्टर रोकले पेनाल्टीमार्फत गोल गरे । यस्तै, अर्को खेलमा इल्चेलाई ४–० ले हराउँदै एट्लेटिको मड्रिडले पनि क्वाटरफाइनलमा स्थान बनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
