नेपाली अलराउन्डर कुशल मल्लआबद्ध डेजार्ट भाइपर्सले इन्टरनेशनल लिग टी–२० (आईएल टी–२०) मा लगातार तेस्रो जित निकालेको छ । तेस्रो जित दर्ता गर्नेक्रममा गएराति सम्पन्न खेलमा डेजार्टले एमआई इमिरेट्सलाई ५ विकेटले हरायो ।
यस खेलमा इमिरेट्सले दिएको १ सय ६० रनको लक्ष्य डेजार्टले १९.१ ओभरमा ५ विकेट गुमाएर पूरा गर्यो । कुशलले भने यस खेलमा पनि डेब्यूको मौका पाएनन् । डेजार्टले लगातार तीन म्याच खेल्दासम्म उनले डेब्यूको मौका नपाएका हुन् ।
डेजार्ट तीन खेलबाट ६ अंकसहित तालिकाको शीर्ष स्थानमा छ । यस्तै, अर्का नेपाली अलराउन्डर दीपेन्द्र सिंह ऐरीआबद्ध गल्फ जायन्ट्सले भने दुई म्याच खेल्दा जित निकाल्न सकेको छैन ।
जायन्ट्सले तेस्रो खेलमा शनिबार दुबई क्यापिटल्सविरुद्ध खेल्ने तालिका छ । दीपेन्द्रले पनि हालसम्म आईएल टी–२० मा डेब्यूको अवसर पाएका छैनन् । उनी दोस्रोपटक यस लिगमा आबद्ध छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
