इंग्लिस प्रिमियर लिगअन्तर्गत साउथह्याम्पटनविरुद्ध म्यानचेस्टर युनाइटेडले ३–१ को सानदार पुनरागमन जित निकालेको छ ।
बिहीबार राति ओल्ड ट्रायफोर्डमा भएको खेलमा साउथह्याम्पटनले पहिलो हाफमा अग्रता लिएको थियो । म्यानुएल उगार्टेको आत्मघाती गोलमा उसले अग्रता लियो ।
यद्यपि साउथह्याम्पटनले अग्रता जोगाउन सकेन । दोस्रो हाफको अन्तिममा युनाइटेडले उत्कृष्ट प्रदर्शन गर्यो । उसको जितमा हिरो साबित भए आमन्ड डिएलो । उनले ८२ औँ र ९० औँ मिनेटमा सुरुआती दुई गोल गरे ।
डिएलोले इन्जुरी समयको चौथो मिनेटमा ह्याट्रिक पूरा गरे । उनी पछिल्लो साता मात्रै युनाइटेडमा अनुबन्ध भएका थिए ।
यो जितपछि युनाइटेडको २६ अंक भएको छ । ऊ अहिले १२ औँ स्थानमा उक्लेको छ । पराजित साउथह्याम्पटन भने ६ अंकका साथ पुछारमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
