नेपाली पुरुष टिमले पनि भारतमा जारी खो खो विश्वकपको सेमिफाइनलको यात्रा गरेको छ ।
दिल्लीस्थित इन्दिरा गान्धी रंगशालामा शुक्रबार भएको क्वाटरफाइनलमा बंगलादेशलाई ६७–१८ ले हराउँदै नेपाल सेमिफाइनलमा प्रवेश गरेको हो ।
नेपाल समूह उपविजेता बन्दै क्वाटरफाइनलमा पुगेको थियो । समूह ‘ए’ मा नेपालले ४ खेलबाट ६ अंक जोड्यो ।
समूह चरणमा नेपालले भारतविरुद्ध मात्र ४१–३७ को हार बेहोरेको थियो । त्यसपछि नेपालले ब्राजिललाई १३४–८, पेरुलाई ८०–३४ लाई र भुटानलाई ९८–८ ले हरायो ।
नेपालले अब फाइनल प्रवेशका लागि शनिबार इरानसँग खेल्दैछ ।
यस्तै, नेपाली महिला टोली पनि खो खो विश्वको सेमिफाइनलमा पुगेको छ । शुक्रबार इरानलाई १०३–८ ले हराउँदै नेपाल सेमिफाइनलमा पुगेको हो ।
समूह चरणमा नेपाल समूह ‘सी’ विजेता बनेको थियो । नेपालले पहिलो खेलमा भुटानलाई ९३–२४, दोस्रो खेलमा जर्मनीलाई ७३–३४, तेस्रो खेलमा श्रीलंकालाई ११०–१० ले र चौथो खेलमा बंगालादेशलाई ८४–२४ ले हराएको थियो ।
नेपालले अब फाइनलमा स्थान बनाउन युगान्डासँग खेल्ने भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
