एन्फा राष्ट्रिय महिला लिगको उपाधि एपिएफ क्लबले जितेको छ ।
बुधबार राजधानीको त्रिपुरेश्वरस्थित दशरथ रंगशालामा सम्पन्न फाइनल खेलमा नेपाल पुलिस क्लबलाई ४–० ले हराउँदै एपिएफले उपाधि जितेको हो । एपिएफको जितमा सविता रानामगरले दुई तथा सरू लिम्बू र अनु लामाले एक गोल गरे ।
लिगको पहिलो खेलमा पुलिससँग गोलरहित बराबरी खेलेको एपिएफ त्यसपछिका १८ खेलमा शतप्रतिशत जित निकाल्दै च्याम्पियन बनेको हो । पुलिसविरुद्ध एपिएफको यो लगातार तेस्रो जित रह्यो ।
सुपर स्टेजको नाम दिइएको दोस्रो चरणका दुवै लेगमा एपिएफले पुलिसलाई हराएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
