म्यानचेस्टर सिटी च्याम्पियन्स लिगको प्लेअफमा प्रवेश गरेको छ । बुधबार राति सम्पन्न खेलमा बेल्जियमको क्लब बर्गलाई ३–१ ले हराउँदै सिटी च्याम्पियन्स लिगको प्लेअफमा प्रवेश गरेको हो ।
क्लब बर्गविरुद्धको खेलमा सिटी पहिलो हाफमा १–० ले पछाडि थियो । दोस्रो हाफमा उसले उत्कृष्ट कमब्याक गर्दै सानदार जित निकाल्यो । पहिलो हाफको अन्तिम मिनेटमा राफेल न्वाडिकीले गोल गर्दै क्लब बर्गलाई सुरुवाती अग्रता दिलाए ।
खेलको ५३ औँ मिनेटमा माटेओ कोभासिसले गोल गर्दै खेललाई १–१ को बराबरीमा ल्याए । ६२ औँ आत्मघाती गोल भएपछि सिटीले २–१ को अग्रता लियो । साभिन्होको क्रसलाई जोगाउने ओर्डोनेजको प्रयासमा आत्मघाती गोल भएको हो ।
साभिन्होले ७७ औँ मिनेटमा गोल गर्दै सिटीलाई ३–१ को जित दिलाए । सिटीले ८ खेलमध्ये तीनमा जित निकालेर ११ अंकका साथ प्ले अफमा स्थान बनाएको हो ।
यस्तै, समान ११ अंक जोडेको क्लब बर्गले २४ औँ स्थान हासिल गरेर प्ले अफको यात्रा गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
