त्रिकोणात्मक महिला टी–२० सिरिजअन्तर्गत थाइल्याण्डले नेदरल्याण्ड्सलाई ८७ रनको सामान्य लक्ष्य दिएको छ । कीर्तिपुरस्थित त्रिवि मैदानमा टस हारेर ब्याटिङको मौका पाएको थाइल्याण्ड १९.५ ओभरमा ८६ रनमै अलआउट भयो ।
उसका लागि चनिदा सुथिरुङले २७ तथा फन्निता मायाले १२ रन जोडिन् । बाँकी ब्याटरले भने दोहोरो अंकमा समेत रन बनाउन सकेनन् । नेदरल्याण्ड्सका लागि आइरिस जिविलिङ्ग, इभा लिन्च र सिल्वर सिजर्सले सर्वाधिक दुई/दुई विकेट लिए ।
श्रृंखलामा थाइल्याण्ड लगातार तेस्रो जितको खोजीमा छ । उसले पहिलो र दोस्रो खेलमा क्रमशः नेदरल्याण्ड्स र नेपाललाई हराएको थियो ।
यस्तै, नेदरल्याण्ड्स पनि तेस्रो जितको खोजीमा छ । उसले पहिलो खेलमा नेपाललाई हराउँदा दोस्रो म्याचमा थाइल्याण्डसँग हार बेहोरेको थियो । यस्तै, नेदरल्याण्ड्सले आइतबार नेपाललाई हरायो ।
ऊ आज थाइल्याण्डविरुद्ध पनि जित निकालेर अंक तालिकाको शीर्ष स्थानमा उक्लिने योजनामा छ । अंकविहीन नेपाल भने पुछारमा छ । नेपालले अब चौथो खेलमा मंगलबार थाइल्याण्डसँग खेल्ने तालिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
