अष्ट्रेलिया केही समययता आगलागीको चपेटामा परिरहेको छ । यहीबीच त्यहाँका प्रधानमन्त्री स्कट मोरिसन पनि बारम्बार आलोचनाको शिकार भइरहेका छन् ।
यसअघि त्यहाँ बढ्दो आगलागीका बीचमा पनि उनी बिदा मनाउन गएको भन्दै आलोचनामा परेका थिए ।
अहिले उनी आगलागी भएका विभिन्न ठाउँमा पुगिरहेका छन् ।
त्यस्तै, यो आगलागीका कारण प्रभावित एक ठाउँमा पुग्दा अष्ट्रेलियाली प्रधानमन्त्रीसँग त्यहाँका महिला तथा अन्य बासिन्दाले हात मिलाउन समेत मानेनन् ।
सिएनएनको एक भिडियोमा एक महिलाले हात मिलाउन नमानेपछि अष्ट्रेलियाली प्रधानमन्त्रीले उनको हात तानेर नै ह्यान्डसेक गरेका छन् । ती महिलाले चाहिँ मोरिसनसँग उनले उक्त क्षेत्रमा थप बजेट पठाएमात्र हात मिलाउने बताएकी छिन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
