युक्रेनमा एक टिभीमा लाइभ समाचार पढिरहेकी एक समाचार वाचिकाको दाँत झरेको छ । तर, उनले समाचार पढ्दा पढ्दै दाँत झरे पनि आफ्नो काम भने रोकिनन् ।
उनको एउटा हातमा केही पानाहरु थिए । अर्को हातले उनले झरेको दाँतलाई समातिन् र आफ्नो काम जारी राखिन् ।
उनी न नर्भस भइन्, न केही सोचिन् नै । त्यही भएर हुनुपर्छ, अहिले सामाजिक सन्जालमा उनको भिडियो निकै हेरिएको छ ।
युक्रेनको टिएसएन च्यानलकी समाचार वाचिका मारिच्का पडाल्कोले बिबिसीलाई भनेकी छिन्, ‘समाचार पढ्दै गर्दा मेरो दाँत झर्यो । २० वर्षको करिअरमा यो अचम्म भयो । यो निकै अचम्मको अनुभवलाई मैले सहज रुपमा लिएकी छु ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
