विश्व स्वास्थ्य संगठनका महानिर्देशक टेड्रोस अडानोम गेब्रियसस क्वारेन्टाइनमा बसेका छन् । कोरोना संक्रमितसँग सम्पर्कमा आएपछि क्वारेन्टाइनमा बसेको उनी स्वयंले जानकारी दिएका छन् । आफूसँग सम्पर्कमा रहेका व्यक्तिमा कोभिड–१९ पोजिटिभ देखिएपछि आफू क्वारेन्टाइनमा बसेको टेड्रोसले सोमबार बिहान ट्विटरमाफर्त जानकारी दिएका हुन् ।
आफूमा कोभिड–१९ को कुनै लक्षण नदेखिएको र विश्व स्वास्थ्य संगठनको प्रोटोकल अनुसार घरमै आइसोलेसनमा बसेको उनले बताएका छन् । आइसोलेसनबाटै काम गर्ने पनि टेड्रोसले जानकारी दिएका छन् ।
कोरोना भाइरस संक्रमणको श्रृंखलालाई रोक्न सबैले स्वास्थ्य मापदण्ड पालना गर्न अति जरुरी रहेको उनको भनाइ छ । स्वास्थ्य मापदण्डको कठाईका साथ पालना गरेर मात्रै कोभिड–१९ भाइरसलाई दबाउन र स्वास्थ्य प्रणालीको रक्षा गर्न सकिने महानिर्देशक टेड्रोसले बताएका छन् ।
It is critically important that we all comply with health guidance. This is how we will break chains of #COVID19 transmission, suppress the virus, and protect health systems.
— Tedros Adhanom Ghebreyesus (@DrTedros) November 1, 2020
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
