फ्रान्सको घरेलु फुटबल लिगमा पेरिस सेन्ट जर्मन (पिएसजी) पराजित भएको छ । लिग वान फुटबलमा पिएसजी नान्टेससँग २-१ गोल अन्तरले पराजित भएको छ ।
गएराति भएको खेलमा पिएसजी घरेलु मैदानमै पराजित भएको हो । रेलिगेशन जोनमा रहेको नान्टेससँग पिएसजी पराजित भएको हो । पराजित भएसँगै उसले शीर्ष स्थानमा उक्लने अवसर गुमाएको छ ।
घरेलु मैदानमा पिएसजीका लागि खेलको ४२औँ मिनेटमा जुलियन ड्राक्सलरले गोल गरे गर्दै सुरुवाती अग्रता दिलाएका थिए । तर, अग्रता जोगाउन नसक्दा पिएसजी पराजित हुन पुग्यो ।
It ends in defeat tonight. #PSGFCN pic.twitter.com/BO3VoqW5gd
— Paris Saint-Germain (@PSG_English) March 14, 2021
खेलको ५९औँ मिनेटमा रान्डल कोलो मुआनीले गोल गरेपछि नान्टेसले खेल बराबरी गर्न सफल भयो । त्यसलगत्तै ७१औँ मिनेटमा मोसेस सिमोनले गोल गर्दै नान्टेसलाई २-१ गोलको जित दिलाए ।
लिगमा पिएसजी २९ खेलमा ६० अंक जोडेर दोस्रो स्थानमा रहेको छ । जित हात पारेको नान्टेस २७ अंक जोडेर १८औँ स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
