युवा स्टार केलियन एमबाप्पे चम्किएपछि फ्रेन्च लिग वानमा पेरिस सेन्ट जर्मन (पिएसजी)ले सहज जित निकालेको छ । एमबाप्पेले दुई गोलसँगै पिएसजीले मेट्जलाई सहजै पराजित गरेको छ ।
पिएसजीले मेट्जलाई उसकै मैदानमा ३-१ गोल अन्तरले हराएको हो । पिएसजीको जितमा एमबाप्पेले दुई गोल गर्दा मोउरो इकार्डीले एक गोल थपे । मेट्जका लागि फाविन सेन्टोनजीको गोल सान्त्वना बन्यो ।
मेट्जको घरेलु मैदानमा गएराति भएको खेलको चौथो मिनेटमा नै एमबाप्पेको गोलबाट पिएसजीले अग्रता लिएको थियो । ४६औँ मिनेटमा फाविनले फारिद बोउलायाको पासमा गोल गर्दै खेललाई १-१ गोलको बराबरीमा ल्याए ।
खेलको ५९औँ मिनेटमा एमबाप्पेले व्यक्तिगत दोस्रो तथा टोलीका लागि पनि दोस्रो गोल गर्दै पिएसजीलाई २-१ अग्रता दिलाए । र, खेलको ८९औँ मिनेटमा इकार्डीले पेनाल्टीमार्फत गोल गर्दै पिएसजीको जित सुनिश्चित गरे ।
जितसँगै पिएसजी ३३ खेलबाट ७२ अंक जोडेर शीर्षस्थानमा उक्लिएको छ । पिएसजीले एक खेल कम खेलेको लिललाई २ अंकले पछि पारेको छ । लिलको ७० अंक छ । पराजित मेट्ज ४३ अंक जोडेर १०औँ स्थानमा रहेको छ ।
3️⃣ points on the road 👊 #FCMPSG
— Paris Saint-Germain (@PSG_English) April 24, 2021
🔴🔵 #AllezParis pic.twitter.com/GItmAZakkE
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
