पोर्चुगिज प्रशिक्षक जोजे मोउरिन्हो इटालियन क्लब एएस रोमाको नयाँ प्रशिक्षकमा नियुक्त भएका छन् । प्रिमियर लिग क्लबबाट बर्खास्तीमा परेका मोउरिन्हो सिरी एमा पुगेका हुन् ।
मोउरिन्होलाई केही साताअघि इंग्लिस क्लव टोटनहमले बर्खास्त गरेको थियो । टोटनहमबाट बाहिरिएपछि मोउरिन्हो रोमामार्फत सक्रिय फुटबलमा फर्किएका हुन् ।
गत मार्च २४ तारिखमा टोटनहमको प्रशिक्षकबाट बर्खास्त भएका उनलाई रोमाले नयाँ सिजनबाट प्रशिक्षकको जिम्मेवारी दिएको छ । उनलाई रोमाले तीन वर्षका लागि अनुबन्ध गरेको छ ।
एक समय निकै सफल मानिएका मोउरिन्हो पछिल्लो पटक एकपछि अर्को क्लबबाट बर्खास्त भइरहेका छन् । तर, मोउरिन्होलाई प्रशिक्षक पाउँदा रोमाले भने खुसी ब्यक्त गरेको छ ।
रोमाका हालका प्रशिक्षक पाउलो फोन्सेले यो सिजनपछि क्लब छोड्ने बताइसकेको अवस्थामा मोउरिन्होलाई ल्याउन रोमालाई निकै सहज भएको हो ।
𝐎𝐅𝐅𝐈𝐂𝐈𝐀𝐋 🤝
— AS Roma English (@ASRomaEN) May 4, 2021
The club are delighted to announce an agreement has been reached with Jose Mourinho for him to become our new head coach ahead of the 2021-22 season.
#ASRoma pic.twitter.com/f5YGGIVFJp
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
