जर्मन बुन्डेस लिगामा बायर्न म्युनिखका स्टार फरवार्ड रोबर्ट लेवान्डोस्कीले नयाँ कीर्तिमान कायम गरेका छन् । बुन्डेस लिगाको यो सिजनमा ४१ गोल गर्दै उनले नयाँ कीर्तिमान बनाएका हुन् ।
सिजनको अन्तिम खेलमा बायर्नका लागि गोल गर्दै लेवान्डोस्कीले नयाँ कीर्तिमान बनाएका हुन् । उनले एकै सिजनमा ४१ गोल गर्दै बायर्न कै गर्ड मुलरको कीर्तिमान भंग गरेका छन् ।
गएरातिको खेलमा अग्स्बर्गविरुद्ध गोल गरेसँगै लेवान्डोस्कीले जारी सिजन ४१औँ गोल पूरा गरेका हुन् । उनले २९ लिग खेलमा ४१ गोल गरेका हुन् ।
लेवान्डोस्कीले बायर्नका लिजेण्ड खेलाडी गर्ड मुलरको कीर्तिमान भङ्ग गरेका हुन् । मुलरले सन् १९७१/७२ को सिजन ४० गोल गर्दै कीर्तिमान बनाएका थिए ।
लेवान्डोस्कीको कीर्तिमानसँगै जर्मन बुन्डेसलिगा फुटबलमा च्याम्पियन बायर्न म्युनिखले सिजनको आफ्नो अन्तिम खेलमा जित निकालेको छ । गएराति भएको सिजनको अन्तिम खेलमा बायर्नले अग्स्बर्गलाई ५–२ गोल अन्तरले पराजित गरेको हो ।
बायर्नलाई जित दिलाउन रोबर्टो लेवान्डोस्की, सेर्जी जिनाब्री, जोसुवा किमिच र किग्सले कोम्यानले एक एक गोल गरे । बायर्नले एक गोल आत्मघाती उपहार पाएको थियो ।
आफ्नो अन्तिम खेलमा जित निकालेसँगै बायर्नले सिजनको सुखद अन्त्य गरेको छ । र, उपाधि ट्रफी प्राप्त गरेको छ । यस सिजन उपाधि जित्ने क्रममा बायर्नले ३४ खेलमा ७८ अंक जोड्यो ।
The moment @Lewy_Official made #Bundesliga history with his 41st goal of the season! ❤️ pic.twitter.com/NCrARxbt23
— Bundesliga English (@Bundesliga_EN) May 22, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
