पाँचथरमा धारिलो हतियार प्रयोग गरी एक वृद्धको हत्या भएको छ ।
जिल्लाको फिदिम नगरपालिका-४ जोरसाल निवासी ७९ वर्षीय टेकबहादुर इङ्वा लिम्बुको धारिलो हतियार प्रयोग गरी हत्या भएको हो ।
प्रहरीका अनुसार लिम्बुको शरीरमा गहिरो चोटपटक देखिएको छ । इङ्वाको घरमा उनी र उनकी श्रीमती मात्र बस्दै आइरहेका थिए । लिम्बुकी बुहारी घरमा सासूससुरा भेट्न आएपछि घटनाको खुलासा भएको थियो ।
अवकाशप्राप्त भारतीय सैनिक लिम्बुले बिहीबार बैंकबाट पेन्सन बुझेका थिए । सोही पेन्सनका लागि हत्या भएको हुनसक्ने आशंका गरिएको छ । घटनाबारेमा प्रहरीले थप अनुसन्धान गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
