आइसिसीको निर्णयपछि बन्द प्रशिक्षण रोकिएको नेपाली राष्ट्रिय क्रिकेट टोलीमा रहेका खेलाडीको समूहगत प्रशिक्षण भने जारी रहने भएको छ । नेपाल क्रिकेट संघले हिजो खेलाडीको बन्द प्रशिक्षण नहुने निर्णय गरेको थियो ।
आइसिसी विश्वकप लिग–२ अन्तर्गत स्पेनमा आयोजना हुने तय भएको नेपाल, स्कटल्याण्ड र नामिबियाको त्रिकोणात्मक एकदिवसीय अन्तर्राष्ट्रिय सिरिज स्थगित भएपछि क्यानले राष्ट्रिय क्रिकेट टिमको बन्द प्रशिक्षण स्थगित गर्ने निर्णय गरेको थियो ।
आइसिसीले बिहीबार विज्ञप्ति जारी गर्दै सिरिज स्थगित गरेको बताएको थियो । बन्द प्रशिक्षण रोकिए पनि क्यानले खेलाडीहरुलाई सानो समूहमा प्रशिक्षण भने जारी राख्ने भएको छ ।
“बन्द प्रशिक्षण स्थगित भएता पनि खेलाडीहरुले सानो समूहमा कोभिड–१९ का लागि सावधानी अपनाउँदै प्रमुख प्रशिक्षक डेभ ह्वाटमोर र फिजियो विक्रम न्यौपानेको निगरानीमा प्रशिक्षण जारी राख्नेछन्”, क्यानले विज्ञप्तिमा उल्लेख गरेको छ ।
CAN has postponed the Closed Camp of the National Cricket Team effective from today.
— CAN (@CricketNep) June 26, 2021
However, Players will continue to train in small groups following Covid protocols at TU grounds under the supervision of Head coach DAV Whatmore and physio Vikram Nyaupane.
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
