मोरङमा बाबुछोराबीच विवाद हुँदा छोराले ढुंगा प्रहरी बाबुको हत्या गरेका छन् ।
जिल्लाको सुनवर्षी नगरपालिका-४ का ४० वर्षीय दयालु ताजपुरियाले ढुंगा प्रहार गरी ६८ वर्षीय टिनलाल ताजपुरियाको हत्या गरेका हुन् ।
शनिबार बिहान छ बजेतिर दयालुले टिनलालको टाउकोमा ढुंगा प्रहार गरेपछि उनी गम्भीर घाइते भएका थिए ।
घाइते टिनलाललाई कोसी अस्पतालमा उपचारका लागि लगिएको थियो । अस्पतालले यहाँ उपचार नहुने बताएपछि अन्यत्रै रिफर गरेको थियो । तर आर्थिक अवस्था नाजुक हुँदा घाइतेलाई घरमै फर्काइयो । घरमै आइतबार बिहान साढे ५ बजेतिर उनको मृत्यु भएको प्रहरीले बताएको छ ।
प्रहरीको प्रारम्भिक अनुसन्धानबाट छोराले मादक पदार्थ सेवन गरेर हल्ला गर्न थालेपछि बाबुछोराबीच भएको विवादले उग्र रूप लिएको हुनसक्ने देखिएको छ ।
बाबुको हत्याको आरोपमा दयालुलाई प्रहरीले पक्राउ गरी आवश्यक कारबाही अगाडि बढाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
