तालिबानले आफ्ना लडाकुलाई कुनै पनि मानिसको घरमा प्रवेश नगर्नका लागि आदेश जारी गरेको छ ।
विशेषगरी राजधानी काबुलमा रहेका दूतावासका गाडीलाई हस्तक्षेप नगर्नू भनी आदेश दिएको छ ।
तालिबानका उप-नेता मौलवी याकुबले यस्तो आदेश जारी गरेका हुन् ।
तालिबानका मानिसले लुटपाट गरेको रिपोर्ट आएपछि यस्तो आदेश आएको बताइएको छ । तालिबानले लुटपाटमा संलग्न मानिसलाई कडाभन्दा कडा कारबाही गरिने पनि बताएको छ ।
तालिबानले सबै सरकारी कर्मचारीहरूलाई काममा फर्किन लगाएको छ । मंगलबार काबुलका केही भागमा बेकरी र औषधि पसल खुलेका छन् ।
काबुलस्थित एक टिभी च्यानलमा एक महिलाले एक तालिबानको नेतासँग अन्तर्वार्ता लिएकी थिइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।