नेपाली कांग्रेसको १४औं महाधिवेशन अन्तर्गत बैतडीमा २६ जना महाधिवेशन प्रतिनिधिहरू चयन भएका छन् । मंगलबार सम्पन्न भएको मतदानको शुक्रबार बिहान अन्तिम परिणाम आएको हो । महाधिवेशन प्रतिनिधिमा पनि सभापति चतुरबहादुर चन्द समूहकै वर्चस्व रहेको छ ।
२६ जना महाधिवेशन प्रतिनिधिमध्ये १६ जना चन्द समूहबाट विजयी भएका छन् भने शिवराज भट्ट समूहबाट १० जना निर्वाचित भएका छन् ।
खुला सदस्यमा भट्ट समूहबाट केशवबहादुर चन्द, हरिमोहन भण्डारी, उत्तरबहादुर ऐर, कर्णसिंह साउँद, दीपकबहादुर बम र कृष्णसिंह नायक विजयी भएका छन् । यस्तै चन्द समूहबाट दिनेशप्रसाद भट्ट, लोकराज अवस्थी, दिनेशबहादुर चन्द र नरेन्द्रसिंह थापा विजयी भए ।
खुला महिला सदस्यमा चारै जना चन्द समूहबाट विजयी भएका छन् । पुनम पाल बम, जानकी भट्ट, तुलसी ठगुन्ना र मीना चन्द निर्वाचित भएका छन्।
यस्तै खस आर्य पुरुषतर्फ चन्द समूहबाट दिपेन्द्र बम, सुरेन्द्रसिंह ऐर र नरेन्द्रप्रसाद भट्ट र भट्ट समूहबाट तेजबहादुर चन्द र कपील केसी विजयी भएका छन् ।
यस्तै खस आर्य महिलातर्फ भट्ट समूहका कान्ता चन्द शाही र सरस्वती कोली निर्वाचित भएका छन् भने चन्द समूहबाट कौशिला चन्द र लक्ष्मी शाह चन्द निर्वाचित भएका छन् ।
यस्तै अपांगताबाट चन्द समूहकै ईश्वरीदत्त भट्ट र दलित समूहबाट चन्द समूहकै सुरत पार्की विजयी भए ।
आदिवासी जनजातिबाट चन्द समूहकै किरणकुमार राई निर्विरोध निर्वाचित भएका छन् । यसअघि जिल्ला पदाधिकारीमा एकजना उपसभापति बाहेक सबै पदमा चन्द समूह विजयी भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
