विश्वभर बढिरहेको कोरोनाभाइरसको नयाँ भेरियन्ट ओमिक्रोनबारे नयाँ नयाँ शोध हुन थालेका छन् । कतिपय ठाउँमा यसबारे विभिन्न अध्ययन भएका छन् र नयाँ विषय बाहिर आएका छन् । तर, अझै पनि यो भेरियन्टलाई अहिले भइरहेका खोपहरु कति प्रभावकारी छन् भन्ने विषयमा जवाफ आइसकेको छैन ।
अहिलेका भ्याक्सिनको प्रभावकारिताबारे भारतमा इन्डियन काउन्सिल अफ मेडिकल रिसर्च नेसनल इन्स्टिच्युट अफ भाइरोलोजीका वैज्ञानिकहरुले नयाँ तथ्य फेला परेको भारतीय मिडियाहरुले दाबी गरेका छन् ।
उनीहरुका अनुसार यो नयाँ सफलताले ओमिक्रोन भेरियन्टबारे नयाँ खोज बाहिर ल्याउने सम्भावना बढेको छ ।
वैज्ञानिकहरुको यो सफलतामा खोपको प्रभावकारिताबारे मात्र अध्ययन भएको छैन, प्राकृतिक संक्रमण प्रेरित एन्टीबडीको विकास हुने पनि बताइएको छ ।
कोरोनाभाइरसविरुद्धका भ्याक्सिनको बुस्टर डोजले प्रभावकारी रुपमा काम गरेको पनि उनीहरुको अध्ययनले फेला पारेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
