भारतमा कोरोना संक्रमण दर निरन्तर ओरोलो लागिरहेको छ । पछिल्लो २४ घण्टामा त्यहाँ २५ हजार ९२० जना मात्र नयाँ संक्रमित थपिएका छन् ।
योसँगै भारतमा संक्रमितको कुल संख्या भएयता हालसम्म ४ करोड २७ लाख ८० हजार नाघेको केन्द्रीय स्वास्थ्य मन्त्रालयले शुक्रबार जनाएको छ ।
पछिल्लो २४ घण्टामा भारतमा ६६ हजार २५४ जना डिस्चार्ज भएका छन् । भारतमा हालसम्म ४ करोड १९ लाख ७७ हजार २३८ जना संक्रमणमुक्त भएका छन् ।
हाल भारतमा २ लाख ९२ हजार ९२ जना सक्रिय संक्रमित छन् । त्यस्तै, गत २४ घण्टामा भारतमा ४९२ संक्रमितको मृत्यु भएको छ । योसँगै भारतमा कोरोनाबाट मृत्यु हुनेको संख्या ५ लाख १० हजार ९०५ पुगेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
