सिनामंगलमा रहेको ए ग्रेडको ल्याब क्रिस्टल डायग्नोस्टिक ल्याबले आइएसओ सर्टिफिकेट पाएको छ । आइएसओ सर्टिफाइ हुने नेपालका सिमित ल्याबमध्ये क्रिस्टल पनि अब सर्टिफाइड भएको छ ।
अमेरिकी र युरोपेली प्रविधिबाट बनाइएको यो ल्याबमा विश्वमा पाइने पछिल्ला अत्याधुनिक स्तरका मेसिनहरु छन् । साथै यो ल्याबमा नेपालकै चर्चित र अनुभवी प्याथोलोजिस्टहरुले सेवा दिइरहेका छन् ।
पछिल्लो समय पिसिआर परीक्षणका लागि भरपर्दो मानिएको यो ल्याबलाई केहीअघि मात्र नेपाल सरकारले विदेश जाने यात्रुहरुको पिसिआर परीक्षण गर्न त्रिभुवन विमानस्थलमा नै ल्याब सन्चालन अनुमतिसमेत दिएको थियो । त्यस्तै, दुबई नागरिक उड्ड्यन प्राधिकरणले नेपालमा र्यापिड पिसिआरका लागि अनुमति दिएको यो पहिलो ल्याब हो ।
पिसिआर परीक्षणमा विश्वसनीय ल्याबमा गनिएको क्रिस्टलले स्थापनाको एक वर्षमा नै ५० हजारभन्दा बढीलाई प्याथोलोजी सेवा पनि दिएको छ । पिसिआर र प्याथाेलाेजी दुवै गरेर ल्याबले स्थापनाकाे एक वर्षमा नै २ लाखभन्दा बढी परीक्षण गरेकाे जनाएकाे छ ।
नेपाल सरकारबाट ए ग्रेड मान्यता पाएको यो ल्याबले आफ्नो सेवा अन्तर्राष्ट्रियस्तर रहेको दाबी गर्दै आएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
