माइक्रोब्लगिङ साइट ट्विटरको बोर्डले ४४ बिलियन अमेरिकी डलरमा ट्विटरलाई धनाढ्य तथा व्यवसायी एलन मस्कलाई किन्न दिने निर्णय गरेको छ ।
यसअघि मस्कले दुई साताअघि ट्विटरसँग असाधरण क्षमता भएको भन्दै आफूले ट्विटरका सबै सेयर किन्ने प्रस्ताव राखेका थिए ।
उनले ट्विटरको सामथ्र्य निकै धेरै भएको भन्दै यसमा भएको फेक न्युज र फेक अकाउन्टलाई पनि आफूले कन्ट्रोलमा ल्याउने बताएका थिए । तर, त्यति बेला ट्विटरले उनलाई कम्पनी बेच्न तयार भएको थिएन ।
तर, अब आफ्ना स्टेकहोल्डर्सहरुलाई ट्विटरले यो सम्झौताको पक्षमा मतदान गर्न अनुरोध गरेको छ ।
फोब्र्स म्यागजिनका अनुसार मस्क विश्वकास सबैभन्दा धनी हुन् । उनीसँग अहिले २७३ बिलियन डलर भएको अनुमान गरिएको छ । उनको टेस्ला कम्पनी विश्वकै सबैभन्दा धनी कम्पनीमध्येको एक हो ।
मस्कले ट्विटर आफूले लिएपछि त्यहाँ वाक स्वतन्त्रतालाई प्राथमिकता दिने पनि बताएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
