श्रीलंकामा जारी साफ यु–१७ च्याम्पियनसिपमा नेपालले लगातार दोस्रो जित निकालेको छ ।
नेपालले आज कोलम्बोस्थित रेसकोर्स मैदानमा उत्कृष्ट पुनरागमन गर्दै भारतलाई ३–१ ले हराएर लगातार दोस्रो जित निकालेको हो ।
यो जितसँगै नेपाल समूह ‘बी’ को विजेताका रुपमा सेमिफाइनल प्रवेश गर्दा बेहोरेको भारतले उपविजेता बन्दै सेमिफाइनलमा स्थान बनायो ।
नेपाललाई जित दिलाउन सरोज दर्लामी ,युनेश बुढाथोकी र सुवास बमले १–१ गोल गर्दा भारतका लागि ड्यानी मेइटीले १ गोल गरे ।
खेलमा सुरुवाती अग्रता भने भारतले लिएको थियो । २५ औं मिनेटमा ड्यानीले टोलीलाई अग्रता दिलाएका थिए । ४५ औं मिनेटमा सरोजले नेपाललाई १–१ को बराबरीमा ल्याए ।
४९ औं मिनेटमा युनिसले गोल गर्दा नेपाल २–१ ले अघि बढ्यो । ६७ औं मिनेटमा सुवासले गोल गरेपछि नेपालले ३–१ को जित निकाल्यो ।
यो योसँगै समूह चरणमा शतप्रतिशत जित निकालेको नेपालले २ खेलमा ६ अंक जोड्दा पहिलो पराजय बेहोरेको भारतको समान खेलमा ३ अंक रह्यो ।
यसअघि भुटानविरुद्ध नेपालले २–१ तथा भारतले ३–० को जित निकालेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
