सुदूरपश्चिममा तीन दिनसम्म बाढीको जोखिम रहेको छ । मौसम विज्ञान विभागको बाढी पूर्वानुमान महाशाखाका अनुसार वर्षाका कारण महाकाली र कर्णाली नदीमा पानीको सतह बढिरहेको छ ।
यी दुई नदी र सहायक नदीमा अझै तीन दिनसम्म पानीको सतह बढ्ने भएकोले त्यस क्षेत्रमा बाढीको जोखिम बढेको छ । बाढीको जोखिम भएकोले तटीय क्षेत्रमा उच्च सतर्कता अपनाउन पनि बाढी पूर्वानुमान महाशाखाले अनुरोध गरेको छ ।
यस्तै, आज रामेछाप, दोलखा, सिन्धुपाल्चोक, नुवाकोट, काभ्रेपलाञ्चोक, काठमाडौं, ललितपुर, भक्तपुर, मकवानपुर, लमजुङ, कास्की, पर्वत, सल्यान, सुर्खेत, दैलेख, अछाम र आसपासका जिल्ला भई बहने अधिकांश स–साना नदीमा बहाव बढ्ने तथा केही स–साना नदीमा आकस्मिक बाढीको मध्यम जोखिम रहने महाशाखाले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
