क्यानडाका प्रधानमन्त्री जस्टिन ट्रुडोले आफ्नो नेतृत्वप्रति बढ्दो असन्तुष्टिको सामना गर्दै र आफ्ना अर्थमन्त्रीको अचानक बिदाइले सरकारभित्र बढ्दो उथलपुथलको सङ्केत गरेपछि राजीनामा घोषणा गरेका छन् ।
ट्रुडोले ‘आन्तरिक लडाइँ’ को अर्थ उनी अर्को चुनावमा ‘उत्तम विकल्प हुन नसक्ने’ बताए । उनले लिबरल पार्टीको नयाँ नेता चयन नभएसम्म प्रधानमन्त्री पदमा रहने योजना बनाएका छन् ।
यस मामिलासँग परिचित एक अधिकारीले २७ जनवरीमा पुनः सुरु हुन लागेको संसद् २४ मार्चसम्म स्थगित हुने बताए । यो समयले लिबरल पार्टीको नेतृत्व प्रतिस्पर्धाको लागि अवसर दिनेछ ।
सबै तीनवटै मुख्य विपक्षी दलले संसद् पुनः सुरु हुँदा अविश्वास मतमा लिबरल पार्टीलाई हटाउने योजना बनाएको बताएका छन् । त्यसैले स्थायी प्रतिस्थापन छनोट गर्न वसन्त ऋतुमा चुनाव लगभग सुनिश्चित भएको थियो ।
कन्जर्भेटिभ पार्टीको १० वर्षको शासनपछि ट्रुडो सन् २०१५ मा सत्तामा आउनुभएको थियो र सुरुमा देशलाई उदार अतीतमा फर्काएकोमा उनको प्रशंसा गरिएको थियो । तर, क्यानडाका सबैभन्दा प्रसिद्ध प्रधानमन्त्रीमध्ये एकका ५३ वर्षीय वंशज खाद्यान्न र आवासको बढ्दो मूल्य तथा बढ्दो आप्रवास लगायतका विभिन्न मुद्दामा पछिल्ला वर्षहरूमा मतदातामाझ अत्यन्त अलोकप्रिय बनेका थिए ।
राजनीतिक उथलपुथल क्यानडाका लागि अन्तर्राष्ट्रियरूपमा कठिन क्षणमा आएको छ ।
अमेरिकी राष्ट्रपति निर्वाचित डोनाल्ड ट्रम्पले सरकारले अमेरिकामा आप्रवासी र लागुपदार्थको प्रवाह नरोके सबै क्यानडाली सामानहरूमा २५ प्रतिशत भन्सार महसुल लगाउने धम्की दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
