नेकपा एमाले अध्यक्ष केपी शर्मा ओलीले चितवनमा आएपछि मिडियासँग दूरी बढाउन थालेका छन् । एमालेको दसौं महाधिवेशनका लागि चितवन आएका ओलीले न विमानस्थलमा सन्चारकर्मीलाई कुनै प्रतिक्रिया दिए । न बन्दसत्र स्थल पुग्दा नै कुनै प्रतिक्रिया दिन माने ।
बिहीबार भरतपुर विमानस्थलमा सन्चारकर्मीले राखेको प्रश्नको उत्तरमा ओलीले अहिलेलाई भ्याइँदैन, अहिले समय छैन भनेका थिए । बन्दसत्र स्थलमा पुग्दा पनि उनले मिडियाकर्मीले राखेका प्रश्नहरुको कुनै जवाफ दिएनन् ।
आज विहान ८ बजे सुरु हुने भनिएको एमालेको बन्दसत्र दिउँसो १ बज्दासमेत सुरु हुने छाँटकाँट देखिँदैन । नेताहरुबीच नेतृत्व सर्वसम्मत गर्ने कि चुनावी प्रक्रियामा जाने भन्ने विषयमा कुरा नमिल्दा एमालेको बन्दसत्र सुरु हुन नसकेको हो ।
आफू बसेको होटलमा एमालेका शीर्ष नेताहरुसँग छलफल गरेर ओली अहिले बन्दसत्र स्थल पुगेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
