नेकपा एकीकृत समाजवादीका अध्यक्ष माधवकुमार नेपालले गठबन्धन झन् बलियो हुने बताएका छन् ।
पार्टी कार्यालयमा आयोजित कार्यक्रमलाई सम्बोधन गर्दै उनले चुनावको मिति नजिकिएकाले गठबन्धन थप बलियो हुने बताएका हुन् । अध्यक्ष नेपालले चुनावमा गठबन्धनका दलहरू एक भएर अघि बढ्ने पनि बताए ।
‘पाँच दलीय गठबन्धन गरेका छौं । यो गठबन्धन टुट्नेवाला छैन । गठबन्धनलाई थप बलियो बनाउँछौं । समाचारमा अनेक कुराहरू आएका छन्, मनगढन्ते कुराहरू आएका हुन्,’ उनले भने ।
प्रतिनिधिसभा क्रियाशील हुनुपर्ने बेलामा नेकपा एमालेबाट बाधा व्यवधान खडा गर्ने काम भइरहेको पनि नेपालले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
