इलाम क्षेत्र नम्बर २ को बाँकी मतगणना सुचारु गर्न प्रमुख निर्वाचन आयुक्त दिनेशकुमार थपलियाले निर्देशन दिएका छन् । इलामका मुख्य निर्वाचन अधिकृत दीपककुमार दाहाललाई टेलिफोनमार्फत थपलियाले सो निर्देशन दिएका हुन् ।
मतगणनाको अन्तिम समयमा विवाद उत्पन्न भएपछि शनिबार साँझदेखि मतगणना रोकिएको थियो । एमाले र कांग्रेसबीच विवाद उत्पन्न भएपछि मुख्य निर्वाचन अधिकृत दाहालले मतगणना स्थगन गरेका थिए ।
कांग्रेसका कार्यकर्ताले मतदान अधिकृतको हस्ताक्षर नभएको ४० मतपत्र भेटिएको दाबी गर्दै मतगणना बहिष्कार गरेका थिए । एमालेका कार्यकर्ताले भने सुवास नेम्वाङ ३७ मतले विजय भएको दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।