त्रिभुवन विमानस्थल भन्सार कार्यालयको नेतृत्व फेरिएको छ ।
मंगलबार अर्थ मन्त्रालयले भन्सार प्रमुखको जिम्मेवारीबाट अरुण पोखरेललाई हटाउँदै प्रमुखको जिम्मेवारी सहसचिव टोकराज पाण्डेलाई दिएको हो ।
तत्कालीन भन्सार प्रमुखमा पोखरेलका पालामा १०० किलो सुन तस्करी भएपछि अर्थ मन्त्रालयले उनलाई जिम्मेवारीबाट हटाएको हो ।
उनी पछिल्लो २ महिनादेखि बिदा बसेका थिए । उनी बिदामा रहेका बेला विमानस्थल परिसरबाट १०० किलो सुन बरामद भएकाे थियाे ।
हाल भन्सार प्रमुखको जिम्मेवारी पाएका पाण्डे आइतबार मात्रै राष्ट्रिय किताबखानाको महानिर्देशकबाट अर्थ मन्त्रालयमा सरुवा भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।