फिफा विश्वकप छनोटअन्तर्गत घरेलु टोली बहराइनविरुद्धको खेलमा नेपाल ५–० गोल अन्तरले पराजित भएको छ । विश्वकप छनोटको दोस्रो चरणको नेपालको यो लगातार तेस्रो हार हो । यसअघि नेपाल यूएईसँग ४–० र यमनसँग २–० ले पराजित भएको थियो । बहराइनको भने दोस्रो जित हो ।
दोस्रो जित निकाल्नेक्रममा नेपालविरुद्ध बहराइनका लागि माहदी अल हुमाइदान, सायद बाकर, अली मादन, इब्राहिम अल खातल र इस्मील अब्दुलातिजले गोल गरे ।
यस खेलमा बहराइनले पहिलो हाफमा तीन तथा दोस्रो हाफमा दुई गोल गर्यो । बहराइनविरुद्ध डिफेन्डरद्वय अभिषेक लिम्बू र सौभाग्य राई (सन्जित) ले डेब्यू गरे ।
समूह ‘एच’ को पुछामा रहेको नेपाल अंकविहीन छ । बहराइन तीन खेलमा ६ अंकसहित दोस्रो स्थानमा छ । अहिलेसम्म अपराजित रहेको यूएई तीन खेलबाट ६ अंकसहित शीर्ष स्थानमा छ ।
नेपालले अब अर्को खेल २७ मार्चमा बहराइनविरुद्ध नै खेल्ने तालिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
