रास्वपाका सभापति एवं गृहमन्त्री रवि लामिछानेले आफू नेतृत्वको दल बहुपहिचानको पक्षमा रहेको स्पष्ट पारेका छन्। बुधबार इलाममा आयोजित चुनावी सभालाई सम्बोधन गर्दै सभापति लामिछानेले रास्वपा खास जाति, वर्ग र समुदायको पहिचानको पक्षमा नरहेको स्पष्ट पारेका हुन् ।
रास्वपाले जाति, धर्म र समुदायको नाममा राजनीति नगर्ने भन्दै उनले भने, ‘बरु चुनाव हारौँला, तर गलत प्रवृत्तिलाई प्रोत्साहित गर्ने राजनीति गर्दैनौँ।'
पहिचानको मुद्दालाई सबैभन्दा बढी रास्वपाले व्यवहारमा उतारेको दाबी गर्दै उनले भने, 'बहुभाषिक, बहुधार्मिक र बहुसांस्कृतिक मुलुकमा एकल पहिचानले हित गर्दैन ।’
उपप्रधान एवं गृहमन्त्री लामिछानेले मौन अवधिमा आर्थिक चलखेल नगर्न दल र उम्मेदवारलाई चेतावनी पनि दिए । आचार संहिता अक्षरशः पालना गराउन उनले सुरक्षा निकायलाई निर्देशन पनि दिए ।
आज मध्यरातिबाट मौन अवधि सुरु हुने भन्दै उनले इलाम र बझाङमा मौन अवधिलाई मनि अवधिको रुपमा प्रयोग नगर्न चेतावनी दिए । आचार संहिता उल्लंघन गर्नेलाई कानुनको दायरामा ल्याएरै छोड्ने उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
