एमाले जिल्ला कमिटी जुम्लाको अध्यक्षमा शान्तिलाल महत निर्वाचित भएका छन् । एमाले जुम्लाको नवौँ जिल्ला अधिवेशनमा अध्यक्ष पदका लागि भएको निर्वाचनमा धीरेन्द्रराज गिरीलाई हराउँदै महत निर्वाचित भएका हुन् ।
महतले १९४ मत र गिरीले १३५ मत प्राप्त गरे । अधिवेशसनमा कुल ३३४ जना प्रतिनिधि छानिएका थिए । जसमध्ये ३२९ मत खसेको थियो । उपाध्यक्षमा प्रेम बहादुर बुढाले १८७ मत प्राप्त गरी विजयी भए ।
उनका प्रतिस्पर्धी पदम बुढाले १३८ मत ल्याए । यस्तै, १७९ मतका साथ मानबहादुर रोकाया सचिवमा विजयी भए । उनका प्रतिस्पर्धी आदीप्रसाद न्यौपानेले १४१ मत प्राप्त गरे ।
यसैगरी उपसचिवमा धनबहादुर बुढा र महिला उपसचिवमा मेनका रेग्मी विजयी भएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
