च्याम्पियन्स लिगअन्तर्गत सेमिफाइनलको पहिलो लेगमा इंग्लिस टोली म्यानचेस्टर सिटीले जित हात पारेको छ । घरेलु टोली सिटीले गएराति सम्पन्न खेलमा स्पेनिस क्लब रियल मड्रिडमाथि ४–३ को जित हात पारको हो ।
इतिहाद स्टेडियममा सिटीलाई जित दिलाउन केभिन डि ब्रुएन, गाब्रियल जेसस, फिल फोडेन र बर्नार्डो सिल्भाले एकरएक गोल गरे । रियलका लागि करिम बेन्जेमाले दुई तथा भिनिसियस जुनियरले एक गोल फर्काए ।
खेलको दोस्रो मिनेटमै ब्रुएनको गोलमार्फत सिटीले अग्रता लिएको थियो । ११ औं जेससले घरेलु टोलीको अग्रता दोब्बर बनाए । ३३ औं मिनेटमा बेन्जेमाले खेललाई २–१ को अवस्थामा ल्याए । ५३ औं मिनेटमा फोडेनले गोल गर्दै सिटीलाई ३–१ ले अघि बढाए ।
५५ औं मिनेटमा जुनियरले गोल गरेपछि खेल ३–२ को अवस्थामा आयो । ७४ औं मिनेटमा सिल्भाले सिटीका लागि चौथो गोल गरे । ८२ औं मिनेटमा बेन्जेमाले पेनाल्टीमार्फत व्यत्तिगत दोस्रो गोल गर्दै रियललाई खेलमा फर्काउने प्रयास गरे पनि त्यो पर्याप्त नबन्दा सिटीले ४–३ को रोमाञ्चक जित दर्ता गर्यो ।
सिटीका डिफेन्डर एमरिक लापोर्टले पेनाल्टी क्षेत्रभित्र ह्यान्ड गरेपछि प्राप्त पेनाल्टीलाई बेन्जेमाले खेर फालेनन् । अब दोस्रो लेग चार मेमा रियलको घरेलु मैदान सान्टियागो बर्नाबेउमा हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
