पूर्वमिस नेपाल माल्भिका सुब्बाले श्रीमान् रियाज श्रेष्ठसँग सम्बन्धविच्छेद गरेकी छन्। सञ्चारकर्मीसमेत रहेकी सुब्बाले दुई वर्षअघि नै सम्बन्धविच्छेद गरेकाे खुलासा गरेकी हुन् ।
अर्की अभिनेत्री प्रियंका कार्कीको कार्यक्रम 'द फोर्थ ट्राइमेस्टरु' नामक पडकास्टमार्फत उनले सम्बन्ध विच्छेद गरेको जानकारी दिएकी हुन्।
छोरा दुई वर्षको हुँदा घर छोडेकाे र धेरै गाह्रो भइसकेपछि आफू एक्लैले साे निर्णय लिएकाे उनले बताएकी छन् । 'मेरो परिवारले मलाई समर्थन गर्नुभएन,उनले भनिन्, 'अहिले ठिक छ। त्यो समर्थन लिन पनि मलाई तीन-चार वर्ष लाग्यो।'
श्रीमानसँगको सम्बन्ध बिग्रिए पनि छोरालाई उसको बुवा र परिवारबाट कहिले पनि नछुट्टाउने आफ्नो सोच रहेको उनकाे भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
