नेपाली कांग्रेसका सांसद चन्द्र भण्डारीले जब-जब नेपाललाई अप्ठ्यारो परेको छ तब-तब संसद् बन्द हुने गरेको इतिहास रहेको बताएका छन् । सोमबार बसेको प्रतिनिधि सभाको बैठक पछि सञ्चारकर्मीसँग कुराकानी गर्दै सांसद भण्डारीले भ्रष्टाचारका ठूला काण्ड हुँदा सदन अवरुद्ध हुने गरेको चर्चा गरे ।
उनले भने, ‘अहिले नेपालमा ठूला ठूला भ्रष्टाचारको काण्ड सार्वजनिक हुँदा नेपालको सदन बन्द भएको छ । त्यसैले नेपालका पार्टी भित्र जहाँ सहि कुरा तिर नेपाल अगाडि बढ्छ त्यसलाई काम गर्न दिइँदैन । प्रतिपक्षी दलका केपी ओलीलाई पनि म यो भन्न चाहन्छु । ’
सांसद भण्डारीले राम्रो काम होस भ्रष्टाचार नहोस् भन्ने कुरामा समय धेरै गएको र यसप्रति युवाहरूको असन्तुष्टि देखिनु स्वाभाविक भएको बताए । उनले भने, ‘यो देशमा नेताहरूले राम्रो काम गरेको भए आज युवा जति विदेश जान्थे त ? नराम्रो भित्र राम्रो खोजेको हो नि ? राम्रो त गर्दै गरेनन् नि ? यो मुलुकमा त ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।