राष्ट्रपति रामचन्द्र पौडेलसमक्ष नेपालका लागि विभिन्न देशका तर्फबाट नवनियुक्त राजदूतहरुले आ–आफ्नो ओहदाको प्रमाणपत्र पेस गरेका छन् ।
सोमबार राष्ट्रपति भवन शीतलनिवासमा आयोजित छुट्टाछुट्टै समारोहमा नवनियुक्त राजदूतहरुले आ–आफ्नो ओहदाको प्रमाणपत्र पेस गरेका हुन् ।
ओहदाको प्रमाण पेस गर्नेहरुमा नेपालका लागि कतारका आवासीय राजदूत मिसाल मोहम्मद अली अल अन्सारी, गणतन्त्र पेरुका गैरआवासीय राजदूत जाभियर मान्युयल पौलिनिच भेलार्दे र कम्बोडियाका गैरआवासीय राजदूत क्यो कोन रहेका छन् ।
सो अवसरमा नेपाल सरकारका उच्चपदस्थ अधिकारीको उपस्थिति रहेको थियो । ओहदाको प्रमाणपत्र बुझाउने राजदूतहरुलाई होटल र्याडिसनदेखि शीतलनिवाससम्म रिसल्लासहितको बग्गीमा सवार गराइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।