गृह मन्त्रालयले १६ जिल्लाका प्रमुख जिल्ला अधिकारीसहित २५ जना सहसचिवको सरुवा तथा पदस्थापन गरेको छ ।
मन्त्रालयले पाल्पा, कपिलवस्तु, सुर्खेत, भोजपुर, उदयपुर, मोरङ, पर्सा, रौतहट, गोरखा, कैलाली, नवलपरासी (पश्चिम), बैतडी, बर्दिया, सल्यान, सिन्धुली र स्याङ्जा जिल्लाका प्रमुख जिल्ला अधिकारीको सरुवा गर्दै रिक्त जिल्लामा पनि सरुवा तथा पदस्थापन गरेको हो ।
सहसचिव प्रेमप्रसाद भट्टराई मोरङको सिडिओ भएका छन् । त्यहाँका वीरेन्द्रकुमार यादव गृह मन्त्रालय ल्याइएको छ । यस्तै, राष्ट्रिय सुरक्षा परिषद्को सचिवालयबाट सरुवा भइ आएका भरत खनाललाई सिन्धुलीको प्रजिअ र अख्तियार दुरुपयोग अनुसन्धान आयोगबाट आएका भोला दाहाललाई जिल्ला प्रशासन कार्यालय गोरखाको प्रमुख जिल्ला अधिकारीको जिम्मेवारी दिइएको छ ।
त्यस्तै, राष्ट्रिय परिचय पत्र तथा पञ्जिकरण विभागका महानिर्देशक झक्कप्रसाद आचार्य सिन्धुपाल्चोकको प्रमुख जिल्ला अधिकारीमा सरुवा भएका छन् ।
हेर्नुहाेस् सरुवा हुनेको सूची :
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।