नेपाली कांग्रेसका नेता एवम् सांसद चन्द्र भण्डारीले नेपालभित्र अब नेपाल खोज्दै हिँड्नुपर्ने स्थितिको सिर्जना भएको टिप्पणी गरेका छन् । आइतबार काठमाडौंमा ‘सहादतको मर्म’ विषयक छलफलमा बोल्दै नेता भण्डारीले सबैले राजनीतिक दलका झण्डा बोक्न थालेको बताउँदै नेपालको चन्द्र सूर्य अङ्कित झण्डा बोक्न आग्रह गरे ।
उनले भने, ‘नेपालभित्र नेपाली खोज, नेपालभित्र अब नेपाल खोज । म कांग्रेसको नेता हो मैले चार तारे झण्डा बोकेर हिँड्छु । मैले गल्ती गरे ठीक छ । तर आउँदो नयाँ पुस्ताले त कमजोरी दोहोर्याउनु भएन मुलुकका लागि । मेरा सहिदहरूले बोकेको चन्द्र सूर्य झण्डा कसले बोकिदिने ?’
पार्टीका झण्डा बोकेर मुलुकले निकास नपाएको बताएका भण्डारीले सबैले अब यो देशको झण्डा बोक्नुपर्ने बताए । उनले भने,‘नेपालको आफ्नै राजनीति स्थायित्व छैन । हामी किन अरूबाट प्रभावित भयौँ ? हामीसँग जनकपुर छ, लुम्बिनी छ, पशुपति छ, यहाँबाट प्रभावित किन हुन सकेनौँ ।’
आफ्नो पुस्ताले गरेको गल्ती आउँदो पुस्ताले दोहोर्याउन नहुने भण्डारीको भनाई छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
