एसिसी प्रिमियर कपमा नेपाल हङकङसँग पराजित भएको छ। शनिबार ओमानको अलअमेरत क्रिकेट ग्राउन्डमा तेस्रो स्थानका लागि भएको खेलमा नेपाललाई हङकङले ४ विकेटले हरायो ।
टस जितेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर १३९ रन बनाएको थियो। नेपालले दिएको १४० रनको लक्ष्य हङकङले १९.३ ओभरमा ६ विकेटको क्षतिमा पूरा गर्यो।
हङकङका लागि अंशु रथले ६५, बाबर हयातले २६ र एजाज खानले १२ रन रन बनाए। बलिङतर्फ नेपालका सोमपाल कामीले ३ तथा दीपेन्द्र सिंह ऐरीले २ विकेट लिए।
पहिले ब्याटिङ गरेको नेपालका लागि दीपेन्द्र सिंह ऐरीले ४४, सन्दीप जोराले २२, कप्तान रोहित पौडेलले २१, कुशल मल्लले १३ र सोमपाल कामीले १२ रन बनाए पनि अरुले दोहोरो अंकको रन जोड्न सकेनन्।
हङकङले आजको जितसँगै एसिसी इमर्जिङ टिम्स एसिया कपमा स्थान बनाएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।