इंग्लिस प्रिमियर लिगको उपाधि दाबेदार मानिएको लिभरपुल १६औं स्थानको एभर्टनसँग पराजित भएको छ । गएराति सम्पन्न खेलमा ऊ एभर्टनको मैदानमा २–० ले पराजित भएको हो ।
यो हारपछि लिभरपुलको उपाधि यात्रामा धक्का लागेको छ । एभर्टनलाई हराएको भए उसले शीर्ष स्थानको आर्सनलसँग अंक बराबरी गर्ने मौका थियो । यद्यपि ३४ खेलमा ७४ अंक भएको लिभरपुल तालिकाको दोस्रो स्थानमा यथावत छ ।
प्रिमियर लिग तालिकामा आर्सनल ७७ अंकसहित शीर्ष स्थानमा छ भने दुई खेल कम खेलेको म्यान्चेस्टर सिटी ७३ अंकसहित तेस्रो स्थानमा छ ।
करिब ७७ प्रतिशत बल पोसेसन बनाएको लिभरपुलले एभर्टनविरुद्ध गोल भने गर्न सकेन । खेलको २७औं मिनेटमा जेरार्ड ब्रान्थह्वाइटले गोल गर्दै एभर्टनलाई आग्रता दिलाए ।
पहिलो हाफमा एक गोलको अग्रता लिएको एभर्टनले ५८औं मिनेटमा डोमिनिक कल्भर्ट लेविनको गोलमार्फत अग्रता लम्ब्याएको थियो । लिभरपुलले खेलभरी सातवटा सट पोस्टमा प्रहार गरेपनि एभर्टनका गोलकिपरको प्रदर्शन उत्कृष्ट रह्यो ।
प्रिमियर लिगमा आज म्यान्चेस्टर सिटीले ब्राइटनसँग प्रतिस्पर्धा गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
