काठमाडौं महानगरपालिकाले रोकिएको खोप कार्यक्रम पुनः सञ्चालन गर्ने भएको छ । भोलि र पर्सि महानगरभित्रका खोप कार्यक्रम पुन: सञ्चालन गर्न लागेको हो ।
यसभन्दा अगाडि ६२, ६३ र ६४ वर्ष उमेरकालाई खोप लगाइएपछि खोप अभियान स्थगित भएको थियो । अब ६० र ६१ वर्ष उमेरका व्यक्तिलाई पहिलो डोज खाेप दिइने महानगरका सहरी स्वास्थ्य तथा खाद्य पदार्थ नियमन विभाग प्रमुख हरि बहादुर कुँवरले जानकारी दिए ।
वीर अस्पताल, वीरेन्द्र सैनिक अस्पताल, त्रिवि शिक्षण अस्पताल र निजामती कर्मचारी अस्पतालमा खोप लगाइनेछ । यसअघि खोपको अभावमा महानगरले कार्यक्रम रोकेको थियो । स्वास्थ्य कार्यालय काठमाडौंको पत्रपछि भेरोसेल खोपको पहिलो मात्रा लगाउन छुटेकालाई दिइन लागेको महानगरले बताएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।