बुधबार दिउँसो निर्वाचन आयोगमा दर्ताका लागि निवेदन दिएको दल नेकपा एमाले समाजवादीकी नेतृ रामकुमारी झाँक्रीले आफूहरुले बाध्य भएर नेकपा एमाले छोडेको बताएकी छिन् ।
दिउँसो निर्वाचन आयोगमा दल दर्ताका लागि निवेदन दिएपछि सन्चारकर्मीसँग कुराकानी गर्दै शाक्यले पार्टी दर्ता भएको र यसको चुनाव चिन्हबारे पछि छलफल गरिने बताएकी हुन् ।
उनले ३१ वर्षदेखि आफूहरुले नेकपा एमालेमा काम गरेकाले र यसको लिगेसी भएकाले अहिले नै पार्टीको नाम छोड्न नसकेकाले नयाँ दलको नाममा पनि एमाले राखेको बताएकी छिन् । ‘एमालेलाई हामीले पनि बनाएका हौँ,’ उनले भनिन्, ‘त्यसको लिगेसी हामीसँग पनि छ, त्यही भएर पनि यसको नाम एमाले पनि राखिएको हो ।’
उनले अब नयाँ दल र आफ्नो पार्टी एकता हुनसक्ने सम्भावना सुरु भएको पनि बताएकी छिन् । ‘एकताका लागि अब बल्ल आधार बनेको छ,’ उनले भनिन्, ‘एकता एउटै पार्टीमा कसरी हुन सक्थ्यो, अब दुई पार्टी भएका छन्, एकताको आधार भएको छ ।’ उनले माधवकुमार नेपालको यो पार्टी सरकारमा जाने या नजाने आयोगमा पार्टी दर्ता भइसकेपछि पार्टीले नै निर्णय गर्ने पनि बताएकी छिन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
