नेपाल र पपुवा न्युगिनी (पिएनजी)बीच आज (शुक्रबार) दोस्रो एकदिवसीय खेल हुँदैछ । खेलमा नेपालले टस जितेर पहिले ब्याटिङ गर्ने भएको छ ।
ओमानकाे अल अमिरात क्रिकेट मैदानमा हुने डे नाइट खेल नेपाली समय अनुसार सवार चार बजे सुरु हुनेछ ।
यो नेपालका लागि पहिलो डे नाइट खेल हो । पिएनजीसँगको पहिलो खेलमा नेपाल २ विकेटले विजयी भएको थियो ।
नेपालले आइसिसी विश्वकप लिग-२ अन्तर्गत ओमान र अमेरिकासँगको त्रिकोणात्मक सिरिजको तयारी स्वरूप पिएनजीसँग एक दिवसीय सिरिज खेलेको हो ।
नेपालले त्रिकाेणात्मक सिरिजकाे पहिलो खेल भदौ २८ मा अमेरिकासँग खेल्ने छ । दोस्रो खेल भदौ २९ मा ओमानसँग खेल्ने छ । असोजमा १ मा अमेरिका र असोज ३ मा ओमानसँग खेल्ने छ ।
नेपालकाे सुरुवाती ११ मा तीन परिवर्तन भएकाे छ । अघिल्लो खेलमा रहेका शरद भेषवाकर, आरिफ शेख र पवन सरार्फले टाेलीमा स्थान बनाउन नसक्दा विनोद भण्डारी, सुसन भारी र करण केसीले टाेलीमा स्थान बनाएका छन् ।
नेपालको प्लेइङ ११ : ज्ञानेन्द्र मल्ल (कप्तान), कुशल भुर्तेल, आसिफ शेख, सुसन भारी, रोहित कुमार पौडेल, कुशल मल्ल, सोमपाल कामी, विनोद भण्डारी (विकेटकिपर), करण केसी, विक्रम सोब, सन्दीप लामिछाने ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
