प्रधानमन्त्री कप राष्ट्रिय पुरुष टी-२० क्रिकेट प्रतियोगिता अन्तर्गत मंगलबार सेमिफाइनलका खेलहरू हुँदैछन् ।
दुवै सेमिफाइनल कीर्तिपुरस्थित त्रिवि क्रिकेट मैदानमा हुनेछन् ।
पहिलो सेमिफाइनलमा नेपाल पुलिस क्लबले बागमती प्रदेशको सामना गर्नेछ ।
पुलिस समूह 'ए' को विजेताको तथा बागमती समूह 'बी' काे रूपमा सेमिफाइनलमा प्रवेश गरेका हुन् ।
समूह चरणका चारवटै खेलमा जित हात पारेकाे पुलिसले ८ अंक जाेडेकाे थियाे । बागमतीले चारमध्ये तीन खेलमा जित हात पार्दै ६ अंक जाेड्याे ।
आज नै हुने दोस्रो सेमिफाइनलमा दुई विभागीय टोली नेपाल एपिएफ क्लब र त्रिभुवन आर्मी क्लब भिड्ने छन् ।
एपिएफ समूह 'बी' को विजेता तथा आर्मी समूह 'ए' को उपविजेताका रूपमा सेमिफाइनल प्रवेश गरेका हुन् ।
एपिएफले समूह अन्तर्गत चारवटै खेल जित्दै ८ अंक जाेडेकाे थियाे ।
समूह चरणका चारमध्ये दुई जित, एक हार र एक खेलमा अंक बाँडेको आर्मीले ५ अंक जाेड्याे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।