पेरिस सेन्ट जर्मेन (पिएसजी) ले फ्रेन्च लिग वानमा घरेलु टाेली लिलीमाथि ५-१ को शानदार जित हात पारेकाे छ । गएराति स्टेट पिएरी माैराेयमा भएको खेलमा पिएसजीको जितमा डानिलाे परेरा दुई तथा प्रेस्नेल किमपेम्बे, लियाेनल मेस्सी र केलियन एमबाप्पेले एक-एक गाेल गरे ।
घरेलु टाेलीका लागि स्भेन बाेटम्यानले एक गोल फर्काए । खेलकाे १० औं मिनेटमा परेराकाे गाेलमार्फत पिएसजीले अग्रता लिएकाे थियाे । २८ औं मिनेटमा बाेटम्यानले लिलीलाई १-१ काे बराबरीमा ल्याए ।
३२ औं मिनेटमा किमपेम्बे र ३८ औं मिनेटमा मेस्सीले गाेल गरेपछि पिएसजी ३-१ ले अघि बढ्याे । ५१ औं मिनेटमा परेराले ब्यत्तिगत दोस्रो तथा टाेलीका लागि चाैथाे गाेल गरे । ६७ औं मिनेटमा एमबाप्पेले गाेल गरेपछि पिएसजीले ५-१ काे शानदार जित हात पार्यो ।
जितसँगै पिएसजी २३ खेलमा ५६ अंक जाेडेर शीर्ष स्थानमा कायम रहँदा पराजित लिली ३२ अंकका साथ ११ औं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
