अफ्रिका कप अफ नेसन्सको उपाधि सेनेगलले उचालेको छ । गएराति सम्पन्न फाइनलमा सातपटकको विजेता इजिप्टलाई पेनाल्टी सुटआउटमा ४-२ ले पराजित गर्दै सेनेगलले पहिलोपटक उपाधि हात पारेको हो ।
क्यामरुनको पउल बिया स्टेडियममा निर्धारित ९० मिनेट र अतिरिक्त समय गोलरहित बराबरीमा सकिएपछि खेलको निर्णय पेनाल्टी सुटआउटबाट लिइएको हो ।
पेनाल्टीमा सेनेगलका सादियो माने, बाम्बा दिएङ, अब्दौ दायलो र कालिदौ कुलिबालीले गोल गर्दा बोउना सार चुके ।
इजिप्टका लागि, मर्वान हम्दी र अहमद सायद (जिजो) गोल गर्दा मोहनाद लशिन र मोहम्मद अब्देल मोनिम भने सफल हुन सकेनन् ।
त्यसअघि खेलको सातौं मिनेटमै पाएको पेनाल्टीलाई सादियो मानेले सदुपयोग गर्न नसक्दा सेनेगल अग्रता लिन चुकेको थियो ।
उसले बुर्किना फासो र इजिप्टले आयोजक क्यामरुनलाई हराउँदै उपाधि भिड्न्त पक्का गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।