नेकपा एमाले संसदीय दलका प्रमुख सचेतक विशाल भट्टराईले प्रधानमन्त्री शेरबहादुर देउवा नहतारिएको भए माओवादी केन्द्र र नेकपा एसले जस्ताको तस्तै ल्याप्चे लगाउने दाबी गरेका छन् ।
आइतबार राति प्रतिनिधि सभाबाट एमसिसी अनुमोदन भएपछि संसद भवन परिसरमा पत्रकारहरुसँग कुरा गर्दै भट्टराईले एमसीसीको व्याख्यात्मक घोषणाको कुनै राजनीतिक र संवैधानिक हैसियत नभएको बताए ।
एमसिसीको विषयमा माओवादी र नेकपा एसले दोहोरो चरित्र प्रदर्शन गरेको उनले बताए ।
उनले भने, ‘आफैँ सरकारमा बस्ने, आफ्नै सरकारका विरुद्ध जनतालाई सडकमा आन्दोलनमा उतार्ने दोहोरो भूमिका निर्वाह गर्नुभयो, प्रधानमन्त्री देउवा नहतारिएको भए उहाँहरु एमसिसीमा जस्ताको तस्तै ल्याप्चे लगाउन तयार हुनुहुने रहेछ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
