नेकपा एकीकृत समाजवादीका अध्यक्ष माधवकुमार नेपालले एमाले अध्यक्ष केपी शर्मा ओलीले प्रधानमन्त्री शेरबहादुर देउवासँग आफूहरुले कुनै सर्तविना एमसिसी पारित गर्न तयार भएको सन्देश दिएको दाबी गरेका छन् ।
उनले एमाले अध्यक्ष ओलीले आफूहरु १४ जना सांसद र सभामुख हटाए एमसिसीमा कुनै सर्तविना पारित गर्न खोजेको बताएका हुन् ।
ओलीले एमसिसी पारित गर्न तत्कालीन प्रधानन्यायाधीश चोलेन्द्रशम्शेर जबराविरुद्ध लगाएको महाभियोग फिर्ता लिन पनि अनुरोध गरेको दाबी गरेका छन् ।
‘केपी ओलीले आँखा चिम्लिएर एमसिसी पारित गर्ने पक्षमा थिए,’ नेपालले भनेका छन्, ‘हामी १४ जनालाई हटाएर हाम्रो पार्टी खारेज गरे उनी त्यसका लागि तयार थिए । हामीले व्याख्यात्मक टिप्पणीसहित एमसिसी पारित गर्यौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
